नेपाल बंगलादेश बैंकको साधारण सभाले चुक्तापूँजी वृद्धिको लागि आइएफआइसी बैंकको सेयर स्वामित्व  ४८ प्रतिशत पुर्याउने गरी थप ४० लाख ७० हजार संस्थापक सेयर बिक्री गर्ने प्रस्ताव पारित गरेको छ । यो सेयर आईएफआईसि बैंकले एक सय ६० रुपैयाँ प्रिमियम सहित दुई सय ६० मा खरिद गर्न लागेको हो ।

यसबाट बैंकको पुँजी वृद्धि हुनेछ भने प्रिमियममा आएको रकमले बैंकको रिजर्भ पनि बलियो हुनेछ । प्रतिकित्तिा २६० मा सेयर विक्री गर्दा बैंकलाई ८० करोड भन्दा बढी रकम रिजर्भमा बढ्नेछ ।  बैंकको साधारण सभाले १० प्रतिशत बोनस सेयर र ७.८९ प्रतिशत नगद लाभांशको प्रस्ताव पनि पारित गरेको छ ।

त्यस्तै, बैंकले आफ्ना ग्राहकहरुलाई बीमा अभिकर्ताको सेवा दिने, उपयुक्त संस्था पाएमा मर्जरमा जाने प्रस्ताव पनि स्वीकृत गरेको छ । यो समाचार तयार पार्दासम्म बैंकको सात जना सञ्चालकहरुको निर्वाचनको प्रक्रिया चलिरहेको बैंकले जानकारी दिएको छ । बैंकको संस्थापक समूहबाट चार जना र सर्वसाधारण तर्फका तीन जना सञ्चालक छान्न निर्वाचन भइरहेको हो ।