काठमाडौं । नेपाल टेलिकम र सामसुङ मोबाइलको नेपालका लागि आधिकारिक विक्रेता इन्टरनेशनल मार्केटिङ सर्भिसेज (आईएमएस)ले संयुक्त रुपमा छुट सम्बन्धी बिशेष योजना ल्याएका छन् । यो योजना अनुसार नेपाल टेलिकमको सिम कार्ड सहित कम्पनीले तोकेको पाँच किसिमका सामसुङका मोबाइल सेटमध्ये एकको खरिदमा १० प्रतिशत नगद छुट र कल गर्दा १५ प्रतिशत बराबर टक टाइम वा डाटा सित्तैमा पाउने छन् ।
यो योजना भित्र रहेर सामसुङको मोबाइल सेट किन्दा आईएमएसले मोबाइलको मूल्यमा १० प्रतिशत रकम छुट दिनेछ भने टेलिकमले चाही प्याकेज लिएका ग्राहकलाई १५ प्रतिशत टक टाइम वा डाटा सित्तैमा दिनेछ । नेपालमा यस्तो सेवा पहिलो पटक सुरु गरिएको र विदेशमा जस्तै २४ वा ३६ महिने किस्तामा सेट र सेवा दिने गरी योजना लागु गर्ने तयारी गरिरहेको आइएमएसका कार्यकारी अध्यक्ष दीपक मलहोत्राले बताए ।
सामसुङ गुरु, सामसुङ लकोटा मोडलको खरिदकर्ताले नेपाल टेलिकमबाट भ्वाइस सेवामा छुट पाउनेछन् भने सामसुङ ट्रेण्ड, सामसुङ कोर र ग्यालेक्सी एस थ्री को खरिदमा इन्टरनेट डाटा पाउने छन् । ग्राहकले आइएमएसको काठमाडौं भित्रका पाँच वटा आउटलेट र टेलिकमको छानिएका बिक्री केन्द्र मार्फत मोवाइल किन्न सक्छन् ।
यी योजना अन्र्तगत खरिद गरिएका मोबाइल सेटमा एक बर्षको ग्यारेन्टी र पाटपुर्जामा छ महिनाको वारेन्टी दिइने आइएमएसका प्रेसिडेन्ट दिकेश मलहोत्राले बताए । यस योजना अन्र्तगत बिक्री भएका मोबाइल सेटमा समस्या देखिए सामसुङको आधिकारिक सर्भिस सेन्टरबाट मर्मतको सुविधा लिन सकिने छ ।
नेपाल टेलिकम र आइएमएस बीच सम्पन्न योे साझेदारी तीन बर्षसम्मका लागि हो । यस अवधिमा यो योजना अन्र्तगत तोकिएका कुनै मोडलको स्तरोन्नती भएमा पनि योजनामा समावेश गरिने कम्पनीले जानकारी दिइएको छ । इन्ट्री लेभलका बाहेकका सबै मोडलमा थ्रिजी प्रविधि उपलब्ध हुने र सबै मोडलमा इन्टरनेट चलाउन सकिने कम्पनीले स्पष्ट पारेको छ ।
उपभोक्तालाई कम्पनी सेवामा छुट र न्युनतम दरमा मोवाइल सेवा उपलब्ध गराउन बण्डलिङको प्याकेज ल्याएको टेलिकमका कामु प्रबन्ध निर्देशक बुद्धि प्रसाद आचार्यले बताए ।
यस्तो छ सेटको मुल्य र छुट
सामसुङ गुरु
पर्ने मूल्य रु : २२६०
छुट रु: २२६
अफर मूल्य रु: २०३४
नि:शुल्क टक भ्यालु: ३३८ रुपैयाँ बराबर
सामसुङ लकोटा
पर्ने मूल्य रु: ५७००
छुट रु: ५७०
अफर मूल्य रु: ५१३०
नि:शुल्क टक भ्यालु: ८२५ रुपैयाँ बराबर
सामसुङ ट्रेन्ड
पर्ने मूल्य रु: १३६५०
छुट मूल्य रु: १३६५
अफर मूल्य रु: १२२८५
निशुल्क डाटा: २०४० रुपैयाँ बराबर
सामसुङ कोर
पर्ने मूल्य रु: २४२००
छुट मूल्य रु: २४२०
अफर मूल्य रु: २१७८०
निशुल्क डाटा: ३६०० रुपैयाँ बराबर
सामसुङ ग्यालेक्सी एस थ्री
पर्ने मूल्य रु: ३९५००
छुट मूल्य रु: ३९५०
अफर मूल्य रु: ३५५५०
निशुल्क डाटा ५८८० रुपैयाँ बराबर
