काठमाडौं । अञ्चल प्रहरी कार्यालय नारायणीले भारतबाट भन्सार छलेर नेपाल भित्र्याइँदै गरेको कपडा बरामद गरेको छ । राजश्व चुहावट तथा तस्करी नियन्त्रण गर्न अभियान नै चलाएको प्रहरीले यही भदौ १६ गते भारतबाट भन्सार छलेर चोरी पैठारी गर्दैगर्दा सो कपडा समाएको हो ।
भारतबाट भन्सार छलेर कपडा नेपाल भित्र्याइँदै छ भन्ने गोप्य सूचनाको आधारमा वीरगन्ज उपमहानगरपालिका इनर्वा १९ मा सो कपडा बरामद गरिएको थियो । प्रहरी आएको सूचना पाएपछि तस्करहरु कपडा त्यही छाडेर भागेको अञ्चल प्रहरी कार्यालय नारायणीले जनाएको छ।
प्रहरीले बरामद गरेको कपडाको मूल्य करिव २० लाख रुपैयाँ बराबरको रहेको जनाइएको छ । समातिएका कपडाहरु प्रहरी कार्यालयमा ल्याइएको र उक्त समानहरु आवश्यक कारबाहीको लागि वीरगन्ज भन्सार कार्यालय पर्सामा पठाइएको प्रहरीले बताएको छ। ।
समातिएका कपडाहरु:
१. कुर्ता सुरुवाल एकसय ३५ पिस
२.सियाराम कम्पनीको सुटपाइन्ट कपडा एकसय १३ रोल,
३. लोमवार्ड कम्पनीको सुटपाइन्ट कपडा एकसय ६ रोल,
४. मिस्टर कम्पनीको सुटपाइन्ट कपडा ७१ रोल,
५. चिनार कम्पनीको सुटपाइन्ट कपडा ३५रोल,
६. रेटन कम्पनीको सर्ट कपडा ५० रोल,
७. सियाराम कम्पनीको सर्ट कपडा १९ रोल
८. साइकल ११ थान
