काठमाडौं। सिद्धार्थ बैंकले बोनस सेयर दिएर चुक्तापूँजी दुई अर्ब रुपैयाँ पुर्याउने भएको छ । बैंकले सोमवार २३.१६ प्रतिशत लाभांश घोषणा गरेको हो । बैंकले १२ प्रतिशत बोनस सेयर र ११.१६ प्रतिशत नगद लाभांश दिने भएको हो ।
बैंकले घोषणा गरेको बोनस सेयर पारित भए चुक्तापूँजी दुई अर्ब तीन करोड पुग्ने छ । हाल बैंकको चुक्तापूँजी एक अर्ब ८१ करोड रुपैयाँ रहको छ । बैंकको सोमवार सेयर मूल्य भने तीन रुपैयाँले मूल्य घटेर सात सय ४५ रुपैयाँ भएको छ ।
बैंकले गत आवमा ७९ करोड १४ लाख रुपैयाँ नाफा कमाएको थियो । यसअघि बैंकले १२ प्रतिशत बोनस र १० प्रतिशत नगद लाभांश दिएको थियो ।