काठमाडौं। ब्राइट डेभलपमेन्ट बैंकका लगानीकर्ताले पहिलो पटक लाभांश पाउँदै छन । बिसं २०६९ कात्तिकमा सर्वसाधारणमा सेयर जारी गरेको बैंकले २० प्रतिशत बोनस र पाँच प्रतिशत नगद लाभांशको प्रस्ताव गरेको छ ।
बैंकको प्रस्ताव नेपाल राष्ट्र बैंक र बैंकको आफ्नो बार्षिक साधारण सभाले पारित गर्न बाँकी छ । बैंकको बोनस सेयर पारित भएपछि चुक्तपूँजी १६ करोड ८० लाख रुपैयाँ पुग्ने छ । हाल बैंकको चुक्तापूँजी १४ करोड रुपैयाँ रहेको छ । बैंकले एक करोड ९१ लाख नाफा कमाएको थियो ।
त्यस्तै, मंगलवार शाइन डेभलपमेन्ट बैंकको १९ लाख १९ हजार एक सय ८२ कित्ता सेयर सुचीकृत भएको छ । बैंकले जारी गरेको हकप्रद सेयर सुचीकरण गरिएको हो ।