काठमाडौं। कलर्स मोवाइलले तीन किसिमका मोवाइल सेट नेपाली बजारमा ल्याएको छ। कलर्सलेे एफओ १२, एफ १४ एन र एफ ८ एन गरी तीन मोवाइल सेट नेपाली बजारमा ल्याएको हो।
नयाँ मोवाइल फोनमा लामो समयसम्म ब्याटि्र टिक्ने र यसले धेरै फिचर चलाउन खोज्ने ग्राहकलाई सजिलो बनाउने कलर्सको दावी छ।
एफओ १२ मोवाइलमा दुई इन्चको टिएफटि स्त्रि्कन रहेको छ। यस्तै एफ ८ एनमा भने १.७७ इन्चको र एफ १४ एनमा २.४ इन्चको एलसिडी स्त्रि्कन रहेकोे कम्पनीले जनाएको छ। सबै सेटमा क्यामेरालगायत एमपिथ्री र एमपिफोरको पनि व्यवस्था रहेको कम्पनीको भनाइ छ।
एफओ १२ सेटमा वायरलेस एफएम प्लेयर र टर्चको सुविधा छ भने यसलाई एकहजार मेगाहर्जको ब्याटि्रले सपोर्ट गर्दछ। त्यस्तै दुईवटा सिम कार्ड लगाउन मिल्ने एफ ८ एन मोडलको सेटमा वायरलेस एफएम र जिपीआरएस सिस्टम रहेको छ।
यस्तै एफ १४ एन मोडलको सेटमा पनि दुईवटा सिम कार्ड लगाउन मिल्नेछ भने १४०० मेगाहर्जको शक्तिशाली ब्याटि्र भएको यो सेटमा जिपीआरएस र एफएम सेटसमेत रहेको कम्पनीले जनाएको छ। कम्पनीले तीनैवटा सेट बलियो रहेको दावी गरेको छ।
एफओ १२ मोडलको मोवाइलको बजार मूल्य एकहजार सात सय २५ रुपैयाँ तोकिएको छ । यस्तै एफ ८ एनको मूल्य एकहजार पाँच सय ९९ रुपैयाँ र एफ १४ एनको मूल्य दुईहजार एकसय ७५ रुपैयाँ रहेको कम्पनीले जनाएको छ। नेपालमा यो मोवाइल टेलिटक प्रालिले बजारमा ल्याएको हो।