मुम्बई। भारतीय सेयर बजार नियामक ‘भारतीय प्रतिभुति औंर विनिमय बोर्ड’ (सेबी)ले रियल इस्टेट क्षेत्रको एक प्रमूख कम्पनी डीएलएफ विल्डिङ कम्पनीलाई रोक्का गरेको छ । सेबीले यसका छ सञ्चालकलाई पनि तीन बर्षसम्म सेयर बजारमा कारोबार गर्न नपाउने कारवाही गरेको छ । यो सम्भवतः भारतीय सेयर बजारको इतिहासमा सबैभन्दा ठुलो मुद्दा र ठुलो कारवाही भएको मानिएको छ ।
कम्पनीका अध्यक्ष कुशल पल सिंह, राजिव सिंह, टीसी गोयल, पिया सिंह, कमेशवर स्वरुप र रमेश संकलाई कारवाही स्वरुप तीन बर्षसम्म सेयर कारोबार गर्न रोक्का गरिएको हो ।
धोकाधडी गरेको, जालसाँजी कारोबार गरेको र कम्पनीको प्राथमिक सेयर निष्कासनमा
गलत मनशायले महत्वपूर्ण सुचना लुकाएको भन्दै कारवाही
गरेको हो । कम्पनीले सन् २००७ मा २.३ अर्ब डलरको प्राथमिक सेयर निष्कासन गरेको थियो । त्यतिखेर भारतकै सबैभन्दा धेरै रकमको प्राथमिक निष्कासन गर्ने कम्पनीको रुपमा डीएलएफ थियो ।
डीएलएफको सहायक कम्पनी सुदिप्ती, शालिखा र फेलिसिटको सेयर नामसारीको क्रममा जालसाँजी कारोबार गरिएको सेबीले उल्लेख गरेको छ । यी तीन सहायक कम्पनीको कारोबारको क्रममा डीएलएफको आबद्धता लुकाउन खोजिएको सेबीले उल्लेख गरेको सञ्चारमाध्यमले बताएका छन । सुदिप्ती माथी एफआइआर (कानुनी कारवाही) चलेको बिषय पनि कम्पनीले लुकाएको आरोप छ । यो कम्पनीले गरेको गलत अभ्यास सार्वजनिक भएसंगै रियल सेक्टरका कम्पनीमा लगानीकर्ताको विश्वास गुम्न सक्ने र मूल्य घट्ने सम्भावना विज्ञहरुले जनाएका छन ।
धेरै समय अघिदेखि बजार प्रभावित बनाउने ठुला खेलाडीहरुको गतिविधी नियन्त्रण गर्न नसकेको भन्दै आलोचित भइरहेको सेबीको पछिल्लो कदमले केही गर्न खोजेको देखिएको अन्तराष्ट्रिय सञ्चार माध्यम रोयटर्सले समेत उल्लेख गरेको छ ।
