काठमाडौं। लक्ष्मी बैंकले २० प्रतिशत बोनस र १.०५ प्रतिशत नगद लाभांश दिने प्रस्ताव गरेको छ । बैंकको असोज ३० गते बिहान बसेको सञ्चालक समितिको बैठकले यस्तो निर्णय गरेको हो ।
.jpg)
यसअघि बैंकको १३ औं बार्षिक साधारण सभाले पारित गरेको २५ प्रतिशत हकप्रद सेयर दिने प्रस्तावलाई समेत बढाएर ३० प्रतिशत पुर्याउने बैठकले निर्णय गरेको छ । यो निर्णय बैंकको बार्षिक साधारण सभा र राष्ट्र बैंकबाट स्वीकृत हुनुपर्ने छ ।
बैंकले बोनस सेयर र हकप्रद सेयर दिएपछि चुक्तापूँजी रकम तीन अर्ब तीन करोड रुपैयाँ पुग्ने छ । हाल बैंकको चुक्तापूँजी एक अर्ब ९४ करोड रुपयाँ रहेको छ ।
बैंकले कात्तिक २४ गते बार्षिक साधारण सभा गर्ने भएको छ। कात्तिक १० गतेदेखि बैंकले बुक क्लोज गर्ने भएको छ । बैंकले अधिकृत पूँजी पनि पाँच अर्ब रुपैया पुर्याउने प्रस्ताव सभामा लैजादै छ ।
