सुनको नयाँ भण्डारहरु (स्रोत) पत्ता नलागेकोले विश्व बजारमा सुनको आपुर्ती घट्ने देखिएको छ । अर्काेतर्फ सुनको लागि एशियालीमा रहेको भोक (माग) बढिरहेको छ । त्यसैले सुनको मूल्य बढ्न सक्छ । अहिले किन सुन खरिद गर्नु ठिक छ ? यहाँ विज्ञहरुले दिएक पाँच वटा कारणहरु  छन् :
 

नेचुरल रिसर्च होल्डिङका अनुसार हाल रहेको सुन भण्डारण र स्रोत हेर्दा उत्पादकहरुले जम्मा ३.७२ अर्ब औंस सुन प्राप्त गर्न सक्ने छन । यसमध्ये करिब १.८२ अर्ब औंस (५६६७४ टन) पुन प्रयोग गर्न सकिने हुन सक्दछ । त्यसैले यदि बार्षिक ११ देखि १२ सय टन सुन उत्खनन हुने हो भने ५० बर्षको अवधिमा यस्तो स्रोत रित्तिने छ ।

खानी सञ्चालकहरुले पहिचान भइसकेका स्थानमा नयाँ खानी सञ्चालन गर्ने हो भने पनि स्तरीय ओर (सुन हुने पत्थर) भेट्न कठिन हुनसक्छ । अविकसित खानीहरुमा हाल सुन उत्पादन भइरहेको खानीमा (१.१८ ग्राम/टन) भन्दा कम परिमाणमा अर्थात् (०.८९ ग्राम/टन) सुन  पाइने सम्भावना छ । 
 

अहिले बजारमा प्रतिऔंस सुनको मूल्य करिब १२ सय डलर छ, तर कतिपय साना खानी सञ्चालकहरुले अहिलेलाई नयाँ खानी खोज्ने योजना थाँती राख्ने भएका छन् । यसले गर्दा भविष्यमा सुनको आपुर्ती घट्न सक्छ । धेरै विश्लेषकका अनुसार सन् २०११ मा सुन प्रतिऔंस १५सय डलर हुँदा खानी सञ्चालकहरुले हेजिङ माध्यमले फ्युचर करोबार गर्नुपर्दथ्यो । तर जतिले गरेका थिए तिनीहरुले पनि आफ्नो उत्पादनको करिब ३० देखि ४० प्रतिशत सुन बेचीसकेको छन ।  
 

अन्य देशका केन्द्रिय बैंकहरुले पनि डलरमा रहेको वैदेशिक मुद्राको सञ्चिती घटाउदै छन्, उनीहरुले केही सञ्चिती युरो सेयर र सुन खरिदमा लगाइरहेका छन् । सन् २००९ सम्ममा जुन देशका केन्द्रिय बैंकहरु सुनको बिक्रीकर्ताको रुपमा देखिएका थिए, सन् २०१० मा तीनै मुख्य खरिदकर्ताको रुपमा रहेका थिए । 
 

त्यस्तै, बिगत ३० बर्षमा सुनको मूल्य र डलरको सुचकलाई तुलना गरेर हेर्ने हो भने सुन र डलरको मूल्य एकै दिशामा बढिरेहको देखिन्छ । सन् २००५ मा डलरको सुचक ८३.५ बाट बढेर ९१.१७ रहेको थियो भने सुन ४२३ डलरबाट बढेर ५१७ डलर पुगेको थियो । यस्तो प्रवृत्ति सन् १९८२ र १९८० मा पनि देखिएको थियो ।