सोमबार राजधानीमा आयोजित एक कार्यक्रममा कतारले तोकिएको समयमा सबै भन्दा बढी टिकट बिक्री गर्ने ट्राभल एजेन्सी र एजेन्टहरुमध्येबाट विजेताको नाम घोषणा गरेको हो । लक्की ड्र मार्फत विजेता छानिएको हो ।
कतारले कम्तीमा दशवटा टिकट काट्ने ट्राभल र एजेन्टलाई विइङ ह्युमन गिफ्ट भौचर, कम्तीमा ३० वटा टिकट बेच्नेलाई सामसुङ ग्रान्ड नियो र कम्तीमा ५० वटा टिकट बेच्नेलाई मोटरसाइकलको लागि लक्की ड्रमा समावेश गरेको थियो ।
यसरी ५० वटा भन्दा बढी टिकट बेचेर लक्की ड्रमा परेका मेगा बाइट ट्राभल्सका नीलबहादुर ढकाल दर्इसय सिसीको पल्सर मोटरसाइकल जित्न सफल भए ।
सामसुङ ग्रान्ड नियो मोबाइल मेगा ट्राभल्सकै अनिक लामा र एभरेष्ट मिराकल ट्राभल्सका सरिश्मा प्रजापतिले जित्न सफल भए ।
यसैगरी विइङ ह्युमनको गिफ्ट भौचर पाउनेमा सुमेग ट्राभल्सका सन्जीव पन्त, रिजेन्सी ट्राभलका टेकराज पौडेल र एभरेष्ट मिराकलकलका गोविन्द ओझा छन् ।
कतारले नेपालमा हप्ताको २१ उडान गर्दै आएको छ । फाइवस्टार यो एयरलाइन्सले कतारको हमिद अन्तर्राष्ट्रिय विमानस्थलबाट विश्वका एक सय ५० भन्दा बढी देशमा उडान भर्दै आएको छ । कतारले हालै दोहा-लण्डन रुटमा हालै ए३८० जहाज मार्फत् सेवा दिन थालेको छ ।