काठमाडौं। रुरल माइक्रोफाइनान्स डेभलपमेन्ट सेन्टर (आरएमडिसी)ले पुस २८ गतेलाई साधारण सभा बोलाएको छ। सर्वसाधारणमा सेयर जारी गरेपछिको यो दोस्रो बार्षिक साधारण सभा हो।
साधारण सभामा लगानीकर्तालाई १० प्रतिसत बोनस सेयर र २१.५८ प्रतिसत नगद लाभांस दिने प्रस्ताव पेश हुँदैछ। आरएमडिसीको सञ्चालक समिति र नेपाल राष्ट्र बैंकबाट यो प्रस्ताव स्वीकृत भइसकेको छ।
आरएमडीसीले लघुवित्त सस्थाहरुलाई थोकमा कर्जा उपलब्ध गराउँदै आएको छ। यो सस्थामा नेपाल राष्ट्र बैंक र बाणिज्य बैंकहरुको पनि लगानी छ।
बैंकले प्रस्ताव गरे अनुसार लगानीकर्तालाई ५२ करोड रुपैयाँ नगद लाभांस र पाँच करोड २० लाख रुपैयाँ बराबरको बोनस सेयर वितरण हुनेछ। नगद लाभांस र बोनसमा लाग्ने कर ११ लाख २२ हजार रुपैयाँ पनि सस्थाले व्यहोर्ने छ।