आधा पनि उपयोग हुँदैन मार्जिन लोन, ऋण लिँदैनन् तर सीमा घटाएको भन्दै आक्रोश पोख्छन् लगानीकर्ता





काठमाडौं। नेपाल राष्ट्र बैंकले बैंक तथा वित्तीय संस्थाले दिने मार्जिन प्रकृतिको लोनको सिमा घटाएकव भन्दै लगानीकर्ता आक्रोशित बनेका छन्। तर राष्ट्र बैंकको तथ्यांकअनुसार भने लगानीकर्ताले पाउन सक्ने ऋणको आधा पनि उपयोग नगरेको देखिएको छ। 
 
चालु आर्थिक वर्षको वैशाखसम्ममा आफूले पाउने मार्जिन लोनको सिमा मध्ये ४५ प्रतिशत मात्रै प्रयोग भएको नेपाल राष्ट्र बैंकको तथ्यांकमा उल्लेख छ। 
राष्ट्र बैंकका अनुसार अनुसार वैशाखसम्ममा बैंकहरुको प्राथमिक पुँजी ३ खर्ब ६५ अर्ब रुपैयाँ छ। आगामी आर्थिक वर्षको मौद्रिक नीतिलार्इ नै आधार मानेर हेर्दा यसको २५ प्रतिशत मार्जिन प्रकृतिको कर्जा प्रवाह गर्न सक्छन्। 
 
यसै सीमाका आधारमा पनि बैंकहरुले ९१ अर्ब २५ करोड रुपैयाँको मार्जिन प्रकृतिको लोन प्रवाह गर्न सक्छन्। तर वैशाखसम्मको तथ्यांकअनुसार बैंकहरुले ४१ अर्ब १६ करोड रुपैयाँको मात्रै मार्जिन लोन प्रवाह गरेका छन्। यस तथ्यांकअनुसार लगानीकर्ताले अझै ५५ प्रतिशत मार्जिन लोन प्रयोग गरेका छैनन्। 
 
नेपाल राष्ट्र बैंकले यसै तथ्याङ्कको आधारमा यसको मार्जिन प्रकृतिको लोनको सिमा घटाएको देखिन्छ। तर सम्पूर्ण बैंकहरुले यस्तो कर्जा प्रवाह नै गर्दैनन्। यसले गर्दा लोन पाउने कारण यसको अनुपात धेरै देखिन्छ। 
 
लगानीकर्ताहरुका अनुसार केहि बैंक तथा वित्तीय संस्थाले मात्रै मार्जिन लोन प्रवाह गर्ने हुँदा समग्रमा यसको असर पर्ने बताउँछन्। केही बैंकले मात्रै मार्जिन लोन प्रवाह गर्दा उनिहरुको लोन प्रवाहमा संकुचन आउने उनीहरुको विश्लेषण छ। 


Share this Story

   

आधा पनि उपयोग हुँदैन मार्जिन लोन, ऋण लिँदैनन् तर सीमा घटाएको भन्दै आक्रोश पोख्छन् लगानीकर्ता को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.