मन्त्रिपरिषद्को मंगलबार राती बसेको बैठकले उनलार्इ बर्खास्त गर्ने निर्णय गरेको हो।ओली सरकार आएपछि राजभण्डारीको परफर्मेन्स राम्रो नभएको भन्दै तीन पटक स्पष्टीकरण सोधेको थियो।उनको जवाफ चित्तबुझ्दो नभएको भन्दै बर्खास्तीको निर्णय भएको हो।उनी आएपछि टेलिकमको पूर्वाधार विस्तारको क्रम रोकिएको छ।

निजी क्षेत्रको सेवा प्रदायक एनसेल भन्दा छिटो फोरजी सेवा संचालनको अनुमति पाएपनि काठमाडौं र पोखरा बाहेक अन्त विस्तार हुन सकेको छैन।अझ एनसेल लाभकर विवादमा फसेको बेलामा आफ्ना योजना एग्रेसिभ रुपमा अगाडि बढाउनुपर्ने झन् कुनै नयाँ योजना विना टेलिकम अल्झिएर बसेको थियो।

यही कारण टेलिकमको वित्तिय अवस्था पनि सन्तोषजनक रहेन्।त्यो साउनमा कर बुझाउने बेलामा समेत देखियो। अर्थमन्त्रालयले साउनमा नेपाल टेलिकम र एनसेलबाट आयकरको तेस्रो किस्ताका लागि दुई/दुई अर्व रुपैयाँ हाराहारीमा कर आउने 'क्यालकुलेशन' गरेको थियो।