काठमाडौं। नयाँ जीवन बीमा कम्पनी आएसँगै पुराना जीवन बीमा कम्पनी आक्रामक देखिएका छन्। ९ जीवन बीमा कम्पनीले ३६ प्रतिशतले नाफा बढाएका छन्। बीमा शुल्क भने जम्मा २५ प्रतिशतले बढेको छ। बैंकमा राखिएको निक्षेपको व्याज र विभिन्न क्षेत्रमा गरिएको लगानीले गर्दा कम्पनीहरुको नाफा बढेको हो।
 
९ वटा जीवन बीमा कम्पनीले एक अर्ब ६० करोड रुपैयाँ नाफा गरेका छन्। अघिल्लो वर्ष उनीहरुको नाफा एक अर्ब २० करोड रुपैयाँ थियो। 
 
लेखापरिक्षण विनाको वित्तीय विवरण अनुसार लाइफ इन्स्योरेन्स कर्पोरेसन नेपालको भने ६ प्रतिशतले नाफा घटेको छ। गत वर्ष ४ वटा कम्पनीले मात्रै लेखा परिक्षण गरेका छन्।
 
बीमा कम्पनीको एक्चुरियल भ्यालुएसन गर्दा बीमा कोष तथा पूँजी कोष बलियो भएका कम्पनीको नाफा बढ्ने हुँदा लेखापरिक्षण पछि नाफा बढ्छ। जस्तो नेपाल लाइफ इन्स्योरेन्स कम्पनीले अघिल्लो वर्षको चौथो त्रैमाशिक वित्तीय विवरण प्रकाशित गर्दा नाफा ४१ करोड रुपैयाँ थियो तर लेखापरिक्षणपछि एक अर्ब रुपैयाँ नाघेको छ।

नाफा र चुक्ता पूँजी

 
 ९ जीवन बीमा कम्पनीले आर्जन गरेको बीमा शुल्क

 
बीमा शुल्क आर्जनमा सबै भन्दा धेरै नेपाल लाइफ इन्स्योरेन्स देखिएको छ। कम्पनीको बीमा शुल्क ३२.८६ प्रतिशतले बढेको छ। कम्पनीले गत वर्ष १६ अर्ब एक करोड रुपैयाँ आर्जन गरेको छ। नाफाको बृद्धिदरमा दोस्रो राष्ट्रिय बीमा संस्थानको बीमा शुल्क आर्जन तर्फ भने सबै भन्दा कम १४.८३ प्रतिशतले मात्रै बढेको छ।

बीमा व्यवसाय बृद्धि गर्नेमा नेपाल लाइफ, एशियन लाइफ र सूर्या लाइफ आक्रामक देखिएका छन्। उनीहरुको बीमा शुल्क ३० प्रतिशतले भन्दा बढि छ।

चुक्ता पूँजी

 
चौथो त्रेमाशिक वित्तीय विवरण अनुसार नेपाल लाइफ इन्स्योरेन्स कम्पनी बाहेक अरुले पूँजी जुटाउन सकेका छैनन्। बीमा समितिले जीवन बीमा कम्पनीहरुको लागि न्युनतम चुक्ता पूँजी २ अर्ब पुर्याउन निर्देशन दिएसँगै सम्पुर्ण बीमा कम्पनी पूँजी जुटाउने क्रममा छन्।
 
मेट लाइफ इन्स्योरेन्स कम्पनीले अझै पनि बीमा समितिले निर्देशन गरेको पूँजी बृद्धिको योजना पेश गरेको छैन। समितिले कम्पनीलार्इ पूँजी नपुर्याएसम्म लाभांस लैजान नदिने बताउँदै आएको छ। ८ वटा बीमा कम्पनीको जम्मा चुक्ता पूँजी १२ अर्ब २९ करोड रुपैयाँ रहेको छ। बीमा समितिले तोकेको पूँजी जुटाउन ८ वटा बीमा कम्पनीलार्इ अझै ८ अर्ब रुपैयाँ आवश्यक पर्छ।