ग्लोबल आइएमइ बैकका ग्राहकलाई न्यूरो कार्डियो विराटनगर अस्पतालमा उपचार गर्दा १५% छुट

बिजमाण्डू
२०७५ असोज १ गते १०:३३ | Sep 17, 2018
ग्लोबल आइएमइ बैकका ग्राहकलाई न्यूरो कार्डियो विराटनगर अस्पतालमा उपचार गर्दा १५% छुट


काठमाडौं। ग्लोबल आइएमई बैंक र न्यूरो कार्डियो एण्ड मल्टीस्पेशियालिटी हस्पिटल विराटनगरबीच अस्पतालले प्रदान गर्ने विभिन्न सेवा तथा सुविधाहरुमा दिइने छुट सम्बन्धी सम्झौतापत्रमा हस्ताक्षर भएको छ। 

Tata
GBIME
Nepal Life

बैंकले अस्पतालसँग आफ्नाग्राहकलाई स्वदेशमै गुणस्तरीय उपचारमा सहुलियत दिने उदेश्यले दुईपक्षीय सम्झौता गरेको हो।

सम्भौतापत्रमा न्यूरो कार्डियोका सञ्चालन निर्देशक राजेश भट्टराई र ग्लोबल आइएमई बैंक विराटनगर शाखा प्रबन्धक शशिशेखर शर्माले हस्ताक्षर गरेका छन्। 

ग्लोबल आइएमई बैंकले आफ्नाग्राहकहरुलाई बैंकिङ सेवाको अतिरिक्त अन्य सुविधाहरु प्रदान गर्ने उद्देश्यले लामो समयदेखि विभिन्न संस्थासँग समन्वय गरी यस्ता विभिन्न खाले योजनाहरु ल्याईरहेको छ।

सम्झौतापछि न्यूरो कार्डियोमा उपचार गराउँदा ग्लोबल आइएमई बैंकबाट डेबिट, क्रेडिट, प्रिभिलेज कार्ड लिएका बैैंकका ग्राहक, ग्लोबल आइएमई बैंकका कर्मचारी तथा ग्राहकका परिवारजनले अस्पतालले प्रदान गर्ने विभिन्न सेवामा १५ प्रतिशतसम्म छुट पाउने छन्।