क्लियरिङ हाउसको ४० प्रतिशत लाभांश साधारणसभाबाट पारित, चुक्ता पुँजी साढे २१ करोड पुग्यो




काठमाडौं। नेपाल क्लियरिङ हाउसले शुक्रबार ७ ‍औ वार्षिक साधारणसभा सम्पन्न गरेको छ। साधारणसभाले चुक्ता पुँजीको २० प्रतितशत नगद लाभांश र २० प्रतिशत बोनस शेयर पारित गरेको छ। कम्पनीले गत आर्थिक वर्ष १८ करोड १६ लाख रुपैयाँ नाफा गरेको थियो। 

कम्पनीको चुक्ता पुँजी १८ करोड रुपैयाँ रहेको छ। बोनस शेयर पारित भएसँगै चुक्ता पुँजी २१ करोड ६० लाख रुपैयाँ पुग्नेछ। कम्पनीले गत वर्ष एनसिएचएल इसिसीमार्फत जम्मा ९६ लाख ८६ हजार चेक राफसाफ गरेको थियो। कम्पनीले औषतमा दैनिक राफसाफ २६ अर्ब ६० करोड रुपैयाँ रहेको छ। 


कम्पनीले ८० वटा बैंक तथा वित्तीय संस्थाहरुको ४ हजार ८० वटा शाखाहरुबाट खिचिएका चेक राफसाफ गरेको छ। कम्पनीले वैशाख १२ गतेदेखि अनलाइन माध्यममार्फत सोझै आफ्नो बैंक खाताबाट नेपाल सरकारको राजस्व भुक्तानी, फण्ड ट्रान्सफर, अन्य भुक्तानी गर्न सकिने 'कनेक्ट आइपिएस इ पेमेन्ट' प्रणाली सञ्चालनमा ल्याएको छ। 

यस प्रणालीमा हाल ४४ वटा बैंक तथा वित्तीय संस्था आवद्ध रहेका छन्। कम्पनीमा नेपाल राष्ट्र बैंकको १० प्रतिशत, बैंक तथा वित्तीय संस्थाको ८० प्रतिशत र स्मार्ट च्वाइज टक्नोजोजिको १० प्रतिशत शेयर रहेको छ।

Share this Story

   

क्लियरिङ हाउसको ४० प्रतिशत लाभांश साधारणसभाबाट पारित, चुक्ता पुँजी साढे २१ करोड पुग्यो को लागी १ प्रतिक्रिया(हरु)

Janata[ 2018-10-30 10:57:00 ]
— १ पटक सम्पादित
१८ करोड चुक्ता पूंजी भएको NCHL ले १८ करोड नाफा कमाए छ । नकमाओस कसरी दिन मा अर्बौं को कारोबार गर्ने संस्था ले ग्राहक बाट चेक रकम को आधारमा शुल्क र IPS को हर कारोबार मा शुल्क लिन पाए पछि । यो संस्था सबै बैंक , राष्ट्र बैंक र एउटा प्राइभेट कम्पनी मिलेर खोलेको नाफा मुलक संस्था हो नकि जनता लाई सेवा दिन खोलेको हो। यस्को लागत अनुसार ग्राहकलाई लगाउने शुल्क बढी छ। १८ करोड लगानी को जाएज नाफा प्रतिशत कति हो?

   हालसम्म ६ जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.