काठमाडौं। सिद्धार्थ बैंकले गत आर्थिक बर्षको नाफाबाट १३.१६ प्रतिशत लाभांस प्रस्ताब गरेको छ। बैंकको सञ्चालक समितिले बोनस शेयर र नगद लाभांस दुबै प्रस्ताब गरेको हो।
बैंकले ५ प्रतिशत बोनस शेयर दिने छ। कर प्रयोजनसहित गरी ८.१६ प्रतिशत नगद लाभांस पनि वितरण गर्ने भएको छ।
बैंकले प्रस्ताव गरेको लाभांस राष्ट्र बैंक र साधारणसभाले पारित गरेपछि शेयरधनीले पाउने छन्। अहिले बैंकको चुक्ता पूँजी साढे ८ अर्ब रुपैयाँ हाराहारी छ।
असोज मसान्तसम्म बैंकको निक्षेप एक खर्ब रुपैयाँ नाघेको छ। ९० अर्ब ६७ करोड रुपैयाँ ऋण लगानी गरेको छ।