काठमाडौं। गण्डकी विकास बैंक र सूर्या लाइफ इन्स्योरेन्सबीच बैंकास्योरेन्स सम्झौता भएको छ।
सम्झौता अनुसार बैंकका सम्पूर्ण ग्राहकहरुले मुलुकभर फैलिएको ७७ वटै शाखाबाट बीमालेख लिन, बीमाशुल्क भुक्तानी गर्न तथा बीमा दाबी भुक्तानी सेवा पाउने छन्।
सम्झौतापत्रमा बैंकको तर्फबाट प्रमुख कार्यकारी अधिकृत रेशमबहादुर थापा र इन्स्योरेन्सका प्रमुख कार्यकारी अधिकृत शिवनाथ पाण्डेले हस्ताक्षर गरेका छन्।
कार्यक्रममा बैंकका नायब प्रमुख कार्यकारी अधिकृत छबिन्द्रनाथ शर्मा र इन्स्योरेन्सका नायब प्रबन्बध सुमना न्यौपाने खनाल उपस्थित थिए।
