टाटाको एनआरजी नेपाल भित्र्याइँदै, डस्टर र इकोस्पोर्टसलाई टक्कर, ३० लाख तल मूल्य





काठमाडौं। टाटाको अधिकृत विक्रेता सिप्रदी ट्रेडिङले कम्प्याक्ट युटिलिटी भेहिकल अन्तर्गत एनआरजी नेपाली बजारमा ल्याउँदैछ। एनआरजी पेट्रोल भेरियन्टमा ल्याउन लागिएको कम्पनीले जानकारी दिएको छ।

कम्पनीका अनुसार पेट्रोल इन्जिनयुक्त एनआरजी १२ सय सिसीको हुने छ। पाँच गियर सम्मको म्यानुअल ट्रान्समिसनयुक्त एइनआरजीले भेरियन्ट अनुसार प्रति लिटर २४ किलोमिटर माइलेज दिन सक्ने टाटाको दावी छ। 
Tata Nexcon AMT


पाँच सिट भएको गाडीको लम्बाई ३७ सय ९३ मिलिमीटर रहेको छ भने चौढाइ १६ सय ६५ मिलिमिटर छ। गाडीको व्हिलबेस २४ सय मिलिमिटर रहेको कम्पनीले जनाएको छ।



३५ लिटर फ्युल ट्याङ्कयुक्त गाडीमा ३५ सय आरपिएम (रिभोलुसन परमिनेट) मा एक सय १४ न्युटन मिटर टर्क क्षमता रहेको छ। गाडीको कार्गो भोलुम दुई सय ४२ लिटर रहेको छ। कम्पनीका अनुसार गाडीमा तीन वटा सिलिण्डर जडान गरिएको छ। छ हजार आरपिएममा ८४ ब्रेक हर्सपावर रहेको गाडीको कर्ववेट एक हजार १७ किलोग्राम रहेको छ। 

गाडीमा मल्टीफङसन स्टेरिङ व्हिल, टच स्क्रिन, अगाडि भागमा फग लाइट ,पावर विन्डो, चालक र यात्रुको सुरक्षाका लागि एयरब्याग, एन्टिलक ब्रेकिङ सिस्टम, एयर कन्डिसन लगायतका सुविधा जडान गरिएको छ।   
     

                                                                                                        
एनआरजीले नेपालमा गुड्दै आएका इकोस्पोर्ट, फ्रिस्टाइल, डस्टर लगायतका गाडीसँग प्रतिस्पर्धा गर्नेछ। कम्पनी स्रोतका अनुसार गाडीको नेपाली बजार मूल्य ३० लाखभन्दा कम रहको छ।

Share this Story

   

टाटाको एनआरजी नेपाल भित्र्याइँदै, डस्टर र इकोस्पोर्टसलाई टक्कर, ३० लाख तल मूल्य को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.