काठमाडौँ। साल्ट ट्रेडिङ् कर्पोरेसनले लाभांश दिने निर्णयको सूचना ढिला दिएको भन्दै नेपाल स्टक एक्सचेन्ज(नेप्से)ले कारोबार रोकिदिएको छ। नेप्सेले मंगलबार कम्पनीको कारोबार रोकेको हो।
कम्पनीले शेयरधनीलाई ३५ प्रतिशत लाभांश दिने प्रस्ताव सोमबार गरेर मंगलबार मात्रै नेप्सेलाई जानकारी दिएको थियो। कम्पनीले २५ प्रतिशत बोनस शेयर र १० प्रतिशत नगद लाभांस दिने निर्णय गरेको थियो।
दोस्रो बजारमा प्रभाव पार्ने सूचना तत्काल दिनुपर्ने प्रावधान छ। नेप्सेले २४ घण्टाभित्र ढिलो सूचना दिनुको कारण सहित स्पष्टीकरण पेस गर्न पत्र पठाएको छ।