काठमाडौं। सरकारी विकास खर्च बढ्दै गएको प्रभाव बैंकहरुको निक्षेपमा देखिएक छ। सातामै २८ बाणिज्य बैंकहरुको निक्षेप १४ अर्ब रुपैयाँले बढेको छ।

जेठ ३१ देखि असार ६ गतेको बीचमा निक्षेप १४ अर्बले बढेको हो। ऋण बिस्तार भने एक अर्ब रुपैयाँले मात्रै भएको राष्ट्र बैंकले जनाएको छ। 

अघिल्लो साता निक्षेप ३ अर्बले मात्र बढेको थियो। त्यस अवधिमा ऋण बिस्तार २ अर्बले बढेको थियो। चालु बर्षमा भने निक्षेप २ खर्ब ६९ अर्बले बढ्दा ऋण ३ खर्ब ५९ अर्ब रुपैयाँले बढेको छ।

बैंकहरुसँग कुल निक्षेप २६ खर्ब ५८ अर्ब रुपैयाँ पुगेको छ भने ऋण २४ खर्ब ६९ अर्ब रुपैयाँ पुगेको छ।