काठमाडौं। बैंक तथा वित्तीय संस्थाले कृषि क्षेत्रमा लगातार कर्जा थप्न थालेका छन्। अघिल्लो वर्षको जेठसम्ममा बैंकहरुले ४७.७ प्रतिशतले कर्जा बढाएकोमा गत वर्ष ३७.४ प्रतिशतले बढाएका हुन्।

बैंकहरुले गत आर्थिक वर्षको ११ महिनामा चार खर्ब ५१ अर्ब रुपैयाँ लगानी गरेका छन्। अघिल्लो वर्षको यहि अवधिको तुलनामा १८.६ प्रतिशतले कर्जा बढाएका छन्।

कृषि कर्जामध्ये सबैभन्दा धेरै कृषि फार्मिङतर्फको कर्जा ८३ प्रतिशतले बढेको नेपाल राष्ट्र बैंकले जनाएको छ। सरकारले कृषि कर्जामा व्याज अनुदान दिँदै आएको छ। सरकारको पछिल्ला नीति तथा कार्यक्रमले कृषि क्षेत्रमा अनिवार्य कर्जा प्रवाह गर्नु पर्ने वाध्यात्मक नियम ल्याएको हुँदा यस्तो क्षेत्रमा कर्जा बढेको हो।

त्यस्तै दोस्रो नम्बरमा खनिज तथा खानी उत्खननका क्षेत्रमा कर्जा बढ्न थालेको छ। खनिज तर्फ गत वर्षको भन्दा ४१ प्रतिशतले बढेको छ। अघिल्लो वर्ष यस्तो क्षेत्रमा एक अर्ब ७२ करोड रुपैयाँ लगानी भएकोमा गत वर्ष दुई अर्ब ८ करोड रुपैयाँ लगानी भएको छ।

उत्पादनमुलक क्षेत्रमा बैंकहरुले १९ प्रतिशतले कर्जा बढाएका छन्। जेठ मसान्तसम्ममा उत्पादनमुलक क्षेत्रमा ७९ अर्ब २१ करोड रुपैयाँ लगानी भएको छ। यातायात तथा सार्वजनिक यातायातको क्षेत्रमा बैंकहरुले ४१ अर्ब ३९ करोड रुपैयाँ लगानी गरेका छन्।  

बैंकहरुको सेवामुलक उद्योगमा २२ प्रतिशतले लगानी बढेको छ। यस्तो क्षेत्रमा बैंकहरुले ४३ अर्ब ८५ करोड रुपैयाँ लगानी गरेका छन्।

बैंक तथा वित्तीय क्षेत्रले प्रवाह गरेको कर्जा