काठमाडौं। आगामी बजेटमा स्वास्थ्यलाई उच्च प्राथमिकता दिइएको बजेट भाषणमा अर्थमन्त्री डा. युवराज खतिवडाले बताएका छन्। 

अर्थमन्त्री डा. खतिवडाले हाल कोरोना महामारीसँग लड्नका लागि विशेष कार्यक्रम बजेटमा समावेश भएको बताए ।

उनले उच्च जोखिमयुक्त क्षेत्रमा परीक्षणको दायरा बढाउने र औषधी उपचारको ब्यवस्था गर्न क्वारेन्टाइनको ब्यवस्था तथा देशभर नै भरपर्दो उपचार सेवा दिन आवश्यक ब्यवस्था गर्न ६ अर्ब बजेट छुट्याइएको जानकारी दिए।

यसैगरी फ्रन्टलाइनमा खटिने स्वास्थ्यकर्मीहरुको मनोबल बढाउन प्रोत्साहन भत्ताको समेत ब्यवस्था भएको छ।

कोरोनालगायत अन्य संक्रमणका विरुद्ध काम गरिरहेका चिकित्सक तथा स्वास्थ्यकर्मीहरुका लागि ५ लाख रूपैयाँसम्मको निःशुल्क स्वास्थ्य बीमासमेत ब्यवस्था गरिएको छ।