काठमाडौं। प्राथमिक शेयर निष्काशन गर्नु अगावै दुई लघुवित्त वित्तीय संस्था मर्जरमा जाने भएका छन्। साधना लघुवित्त वित्तीय संस्था र आर्थिक समृद्धि लघुवित्त वित्तीय संस्था एक आपसमा गाभिने भएका छन्।
यसैगरी सारथि लघुवित वितीय संस्था र सत्यवती लघुवित वितीय संस्था पनि गाभिने भएको छ।
एकआपसमा गाभिने प्रयोजनका लागि साधना र आर्थिक समृद्धिले जेठ २५ गते छुट्टाछुट्टै विशेष साधारणसभा बोलाएका छन्। साधनाले विशेष साधारणसभा गोरखामा र आर्थिक समृद्धिले तनहुँमा बोलाएका हुन्।
दुबै संस्था बराबरी हैसियतमा गाभिने भएका छन्। दुई संस्था एकआपसमा गाभिएसँगै कु चुक्ता पूँजी ७ करोड ९६ लाख रुपैयाँ पुग्नेछ। हाल साधनाको चार करोड ९० लाख रुपैयाँ चुक्ता पूँजी छ भने आर्थिक समृद्धिको तीन करोड ६ लाख रुपैयाँ रहेको छ। दुबै संस्थाले २०७४ बाट वित्तीय सेवा सञ्चालन गर्दै आएका हुन्।
साधनाको केन्द्रिय कार्यालय गोरखामा रहेको छ भने आर्थिक समृद्धिको तनहुँमा छ। मर्ज भएसँगै शाखा कार्यालय ३९ वटा पुग्नेछ। तुलनात्मक रुपमा आर्थिक समृद्धिको वित्तीय अवस्था कमजोर रहेको छ।
दुई संस्था गाभिए सँगै सर्वसाधारणबाट उठाएको निक्षेप २१ करोड ९६ लाख रुपैयाँ पुग्नेछ भने ऋण लगानी एक अर्ब दुई करोड रुपैयाँ पुग्नेछ।
दुई संस्था गाभिए पछिको अवस्था
विवरण(रु.०००) |
साधना लघुवित्त |
आर्थिक समृद्धि लघुवित्त |
जम्मा |
चुक्ता पूँजी |
49000 |
30625 |
79625 |
जगेडा कोष |
11460 |
-5803 |
5657 |
निक्षेप |
168189 |
51471 |
219660 |
ऋण लगानी |
815336 |
210733 |
1026069 |
शाखा कार्यालय |
26 |
14 |
39 |
नाफा |
11416 |
-2107 |
|
स्थापना |
२०७४ कात्तिक |
२०७४ साउन |
|
प्रमुख कार्यकारी अधिकृत |
रेशम न्यौपाने |
लक्ष्मीश्वर देवकोटा (ACEO) |
|
अध्यक्ष |
कृष्णबहादुर थापा |
डा. एकनारायण चपागाईं |
|
केन्द्रिय कार्यालय |
गोरखा |
तनहुँ |