काठमाडौं। अहिलेसम्म गत आर्थिक बर्षको साधारणसभा ६ बैंकले गरिसकेका छन्। उनीहरुले बार्षिक प्रतिवेदनमा प्रमुख कार्यकारी अधिकृतको तलव सुविधा सार्वजनिक गरेका छन्।

प्रतिवेदन बैंक अफ काठमाण्डू, सानिमा, कुमारी, माछापुच्छ्रे, सिटिजन्स र एनआइसी एसिया बैंकले सार्वजनिक गरेका छन्। 

प्रतिवेदनअनुसार, सबैभन्दा बढि तलव सुविधा बैंक अफ काठमाण्डूले आफ्नो प्रमुख कार्यकारी अधिकृतलाई दिने गरेको छ। बैंकले बार्षिक २ करोड ३२ लाख ८५ हजार रुपैयाँ मारिश्रमिक दिने गरेको प्रतिबेदनमा उल्लेख गरेको छ।

त्यसपछि कुमारी बैंकले २ करोड १४ लाख ६३ हजार दिने गरेको छ। एनआइसी एसियाले २ करोड १३ लाख ६७ हजार रुपैयाँ दिएको छ। सानिमा बैंकले आफ्नो प्रमुख कार्यकारीलाई २ करोड ८ लाख ३९ हजार रुपैयाँ दिएको छ।

माछापुच्छ्रे र सिटिजन्स बैंकको भने तुलनात्मक रुपमा कम छ। माछापुच्छ्रेले १ करोड १७ लाख ९८ लाख र सिटिजन्स बैंकको ९२ लाख १२ हजार रुपैयाँ पारिश्रमिक दिने गरेको छ। यसमा नाफाबाट बोनस र कल्याणकारी कोषको सुविधा जोडिएको छैन।