काठमाडौं। चालु वर्ष लागेपछि बैंकहरूले १ सय ५४ अर्बले ऋण विस्तार गर्दा निक्षेप संकलन भने १ सय १० अर्ब रूपैयाँ मात्र बढेको छ।

राष्ट्र बैंकले उपलब्ध गराएको मंसिर २० गतेसम्मको तथ्यांक हेर्दा एक सातामा निक्षेप नौ अर्बले बढेको छ। ऋण भने पाँच अर्बले मात्र बढेको छ। तथ्यांकले पछिल्लो समय ऋण विस्तार सुस्त हुन थालेको देखाएको छ।

अहिलेसम्म बैंकहरूले २९ खर्ब ८९ अर्ब निक्षेप संकलन गरिसकेका छन्। यस अवधिमा बैंकहरूले २६ खर्ब ५२ अर्ब ऋण दिएका छन्। 

ऋणको माग कम हुन थालेपछि सुस्तता आएको बैंकरहरू बताउँछन्।