काठमाडौं। पछिल्लो समय ग्लोबल आइएमइ बैंकको शेयरमा लगानीकर्ता आकर्षित देखिएका छन्। जनता बैंक गाभेपछि सूचिकृत भएको शेयरमा लगानीकर्ता आकर्षित भएका हुन्।
दिनभरीमा ९ करोड ९५ ला खरुपैयाँको शेयर कारोबार भएको छ। बैंकको अन्तिम मूल्य प्रति कित्ता २९० रुपैयाँ कायम भएको छ।
केही दिनदेखि घटिरहेको बजारमा मंगलबार लगानीकर्ताले राहत पाएका छन्। सूचक साढे ५ अंकले बढेर बन्द भएको छ। सूचक १३०६ अंक पुगेको छ।
कारोबार रकममा पनि सुधार देखिएको छ। दिनभरी खुद्रा किनबेचले नै निरन्तरता पाएको थियो। कुल १ अर्ब ४० करोड रुपैयाँको शेयर किनबेच भएको छ।
बैंकिङ, ट्रेडिङ, होटल र जलविद्युतबाहेक सबै सूचक हरियो भएका छन्। जीबन बीमा सूचकले बजारलाई केही माथि लगेको छ।