काठमाडौं। डलरको भाउ तीन दिनमा २ रुपैयाँले घटेको छ। अमेरिकी डलर कमजोर हुँदा नेपाली रुपैयाँ बलियो भएको हो।

लामो समयदेखि १२१ रुपैयाँ हाराहारी बसेको डलर आइतबार ११९ रुपैयाँ हाराहारीमा झरेको हो।

तीन दिनअघि डलरको भाउ १२१.६९ रुपैयाँ थियो। शुक्रबार घटेर १२०.९३ रुपैयाँमा आएको थियो। आज आइतबार ११९.७२ पैसामा आएको हो।

एक दिनमै डलरको भाउ एक रुपैयाँ २१ पैसा कमजोर भएको छ। भारतीय मुद्रा डलरसँग बलियो देखिएको छ। भारुसँग नेपाली मुद्राको स्थिर विनिमय दर भएका कारण भारु बलियो हुँदा नेपाली रुपैयाँ पनि बलियो हुन्छ।