काठमाडौं। एनएमबि बैंकले ग्राहक तथा कर्मचारीहरुले फुडमाण्डु लगायतका स्टोरहरुमा विद्युतीय भुक्तानी गरी सामान खरिद गर्दा क्यासब्याक पाउने भएका छन्।
बैंकले यस सुविधा सम्बन्धी द्विपक्षीय समझदारी गरेको जनाएको छ ।
बैंकले ग्राहकहरूलाई घरमै बसी मनपर्ने खाना लगायत अन्य आवश्यक सामाग्रीहरू फुडमाण्डु, स्टपग्य्राब, ग्यापु र किरानाबाट किन्दा क्यासब्याक उपलब्ध गराएको जारी विज्ञप्तिमा जनाइएको छ।
एनएमबि बैंकको डेबिट र क्रेडिट कार्डको प्रयोग गरी अनलाइन अर्डर गर्दा १०% वा ५ सय रुपैयाँसम्म क्यास ब्याक प्रदान गर्ने बैंकले जानकारी दिएको हो ।
एनएमबि बैंकले हाल देशभरी १ सय ८१ शाखा, १ सय ३७ एटीएम तथा ९ एक्सटेन्सन काउन्टरमार्फत बैंकिङ सेवा दिँदै आएको छ ।