काठमाडौं। सिभिल बैंक लिमिटेडडले मंसिर २४ गतेबाट ऋणपत्र जारी गर्ने भएको छ। बैंकले कम्तिमा २८ गतेसम्म जारी गर्ने ऋणपत्रको वार्षिक ब्याज दर १०.२५ प्रतिशत छ।
बैंकहरुले अहिले मुद्दतीमा दिएकोभन्दा यो ब्याज बढी हो। बैंकहरुले अहिले अधिकत १०.०५ प्रतिशतसम्म मुद्दतीमा ब्याज दिँदै आएका छन्। अझ संस्थागतलाई त ९.०५ प्रतिशत मात्र ब्याज छ।
बैंकको ऋणपत्र बिक्री नभएमा पुस ९ गतेसम्म खुला राखिने छ। बैंकको ऋणपत्र खरीद गर्न कम्तिमा २५ कित्ता र अधिकतम सम्पूर्ण कित्ताका लागि आवेदन दिन सकिन्छ। ऋणपत्रको अंकित मूल्य प्रति कित्ता २५ रुपैयाँ छ।
बैंकको ऋणपत्र १० वर्षको अवधिको छ। बैंकले कुल ३ अर्ब रुपैयाँको ऋणपत्र जारी गर्न लागेको हो। यसमध्ये १२ लाख कित्ता अर्थात एक अर्ब २० करोड रुपैयाँको सर्वसाधारणलाई बिक्री गर्न छुट्याएको छ। यसमा ५ प्रतिशत सामूहिक लगानी कोषको पनि दाबी हुने छ।
यसबाहेक उब्रिएको एक अर्ब ८० करोड अर्थात १८ लाख कित्ता ऋणपत्र प्राइभेट प्लेसमेन्टबाट बिक्री गरिने छ।