काठमाडौं। मुक्तिनाथ विकास बैंकले भिसा डेबिट कार्डबाहक तथा मोबाइल बैंकिङ ग्राहकहरुलाई थप सेवा दिन विभिन्न संस्थाहरुसँग सम्झौता गरेको छ।
बैंकले वीरगंजको नारायणी सेन्ट्रल अस्पताल र काठमाडौंको देव कर्नर ज्वेलरीसँग सम्झौतामा हस्ताक्षर गरेको छ।
सम्झौताअनुसार बैंकका भिसा डेबिट कार्डबाहकहरुले नारायणी सेन्ट्रल अस्पतालका सेवाहरु जस्तै: बेड चार्ज, रेडियोलोजी, इन्भेस्टिगेसन, डाक्टर कन्सल्टेसन जस्ता सेवाहरुमा ५% सम्म छुट पाउने बैंकले जनाएको छ।
साथै, देव कर्नरमा पनि सम्झौता पछि बैंकका भिसा डेबिट कार्डवाहक तथा मोबाइल बैंकिङ ग्राहकहरुले विभिन्न सेवामा ३०% सम्म छुट पाउने बताइएको छ।