माग अनुसार दरखास्त नपर्दा अपर सोलु हाइड्रोको आईपीओ बिक्री अवधि १५ दिन थपियो 

बिजमाण्डू
२०७९ जेठ ५ गते १०:१० | May 19, 2022

काठमाडौं। माग अनुसार सार्वजनिक निष्कासन (आईपीओ) आवेदन नपर्दा अपर सोलु हाइड्रो इलेक्ट्रिसिटी कम्पनीले आवेदन दिने अवधि थप गरेको छ । 

Tata
GBIME
Nepal Life

बिक्री प्रबन्धक एनएमबि क्यापिटलका अनुसार प्रयाप्त आवेदन नपरेपछि १५ दिन समय थपिएको हो । 

कम्पनीले आयोजन प्रभावित स्थानिय क्षेत्रका वासिन्दाका लागि बैशाख २२ गतेबाट जेठ ५ गते सम्मका लागि सार्वजनिक निष्कासन(आईपीओ) जारी गरेको थियो । 

बिक्री प्रबन्धक एनएमबि क्यापिटलका अनुसार हाइड्रोपावरले सोलुखुम्बु जिल्लाको सोलु दुधकुण्ड न.पा. का स्थानीयका लागि अंकित मूल्यप्रति कित्ता १०० का दरले १३ लाख ५० हजार आईपीओ जारी गरेको थियो । 

उक्त आईपीओ आजसम्म  पर्याप्त आवेदन नपरेपछि दरखास्त दिने मिति २० गतेसम्मका लागि लम्बिएको हो। आयोजन प्रभावित क्षेत्रका लगानीकर्ताले न्यूनतम १० कित्ता र अधिकतम १ लाख कित्ताका लागि आवेदन दिन पाउनेछन् ।