दसैं बिदाअघि सेयर बजारमा छायो हरियाली, कारोबार रकममा अझै देखिएन सुधार




काठमाडौं। दसैं बिदा अघिको अन्तिम कारोबार दिन सेयर बजारमा हरियाली छाएको छ। नेप्से १६.२९ अंकले बढ्दा परिसूचक १८५३.१६ विन्दुमा उक्लिएको छ। यस्तै, सेन्सेटिभ पनि ३.८३ अंकले बढेको छ।



बुधबारको तुलनामा कारोबार रकममा भने सामान्य सुधार देखिएको छ। बिहीबार २२३ कम्पनीको १७ लाख ९१ हजार कित्ता सेयर किनबेच हुँदा ६३ करोड २४ लाख बढीको कारोबार भएको छ। बुधबार ४८ करोड ५४ लाख बराबरको कारोबार भएको थियो।

बिहीबार कारोबार भएका उपसमूहमध्ये १२ उपसमूह बढेका छन्। जीवन बीमा उपसमूह भने ०.०६ प्रतिशतले घटेको छ। कारोबारको आधारमा बिहीबार नेपाल इन्स्योरेन्स कम्पनी अग्रस्थानमा छ। कम्पनीको ४ करोड ४८ लाख ५० हजार रुपैयाँ बराबरको कारोबार भएको छ।

बिहीबार केही दिन अघि मात्रै नेप्सेमा सूचीकृत भएको अभियान लघुवित्तको सेयर मूल्यमा सकारात्मक सर्किट लागेको छ। कम्पनीको सेयर मूल्य ९.९८ प्रतिशतले बढेको छ।


Share this Story

   

Advertisements

Most Read


bizmandu

facebook     twitter
© Copyright 2012 Bizmandu Pvt. Ltd. All Rights Reserved.
Ncell