काठमाडौं। नेपाल स्टक एक्सचेन्ज (नेप्से)मा बरुण हाइड्रोपावर कम्पनीको हकप्रद सेयर नेप्सेमा सूचीकृत भएको छ। आइतबार कम्पनीको शतप्रतिशत हकप्रद सेयर सूचीकृत भएको हो।
कम्पनीको २६ लाख ७९ हजार ७६ कित्ता हकप्रद सेयर दोस्रो बजारमा कारोबार गर्न मिल्ने गरी सूचीकृत भएको हो। सूचीकृत सेयर सोमबारबाट दोस्रो बजारमा कारोबार गर्न मिल्ने छ।
बरुण हाइड्रोपावरले गत भदौ ६ गतेबाट पहिलो चरणमा १ बराबर १ अनुपातमा हकप्रद सेयरको बिक्री खुला गरेको थियो। सो समय नबिकेको सेयर बोलकबोलमार्फत कात्तिक १४ गतेबाट बिक्री गरेको हो।
उक्त सेयर आइतबार नेप्सेमा सूचीकृत भइ दोस्रो बजारमा कारोबार गर्न मिल्ने भएको हो।