एप्पलले प्रयोगकर्ताहरूलाई आफ्नो आइक्लाउड सेवामा स्टोर गरिएका फोटो तथा नोटहरू थप कडाइका साथ लक गर्न सकिने बनाएको छ। जसअनुसार प्रयोगकर्ताहरूले नयाँ डिभाइसबाट लगइन गर्दा 'फिजिकल सेक्युरिटी कि' आवश्यक पर्नेछ।
यो विकल्पसँगै एप्पलको आइम्यासेज च्याट प्रोग्रामको लागि अर्को सुरक्षा उपायहरु विशेष गरी सेलिब्रेटी, पत्रकार, कार्यकर्ता, राजनीतिज्ञ तथा अन्य हाइ-प्रोफाइल व्यक्तिहरूलाई ह्याकरहरूको निशानाबाट बचाउन लक्षित रहेको समाचार एजेन्सी रोयटर्सले उल्लेख गरेको छ।
आइक्लाउड सर्भर वा आइम्यासेज एक्सचेन्जमा ह्याकरहरुको हस्तक्षेप बारे थाहा नभए पनि ह्याकिङको प्रयास बढ्दै गएको आइफोन निर्माता कम्पनी एप्पलले रोयटर्सलाई बताएको छ।
अमेरिकी आइफोन प्रयोगकर्ताहरूले वर्षको अन्त्यसम्ममा आइक्लाउड स्टोरेजको लागि निःशुल्क एडभान्स डेटा प्रोटेक्सन सक्रिय गर्न सक्छन्। योसँगै एप्पलले प्रयोगकर्ताहरूले पासवर्ड बिर्सिएको खण्डमा उनीहरुलाई फोटो, नोट, भ्वाइस मेमो र लगभग २० अन्य प्रकारका डेटा रिकभर गर्न सक्ने छैनन्। यो सेवा एप्पलले अर्को वर्षदेखि विश्वव्यापी रूपमा विस्तार गर्ने रिपोर्टमा उल्लेख छ।
यसबाहेक एप्पलले आगामी वर्ष अन्य थुप्रै सेवाहरु सुरु गर्दै छ। एप्पल अकाउन्ट पहुँच गर्न नयाँ उपकरणमा सुरक्षा फोब प्लग गर्न आवश्यक पर्ने विकल्प अर्को वर्ष रोल आउट हुने अपेक्षा गरिएको छ।
साथै आइम्यासेज अर्को वर्ष नयाँ 'कन्ट्याक्ट कि' भेरिभिकेसन सक्रिय गर्ने प्रयोगकर्ताबीचको कुराकानीले एक्सचेन्जमा सम्भावित रूपमा जासुसी गर्ने अपरिचित यन्त्रहरूको बारेमा अटोमेटेड अलर्टहरू प्राप्त गर्नेछ।
प्रयोगकर्ताहरूले म्यानुअल रूपमा सुरक्षा कोडहरू मिलाएर उनीहरूको कुराकानी सुरक्षित छ भनी प्रमाणित गर्न सक्छन्। साथै सुरक्षित च्याट सेवाहरू जस्तै सिग्नलले तुलनात्मक सुविधाहरू प्रदान गर्दछ। (रोयटर्सबाट साभार)