पर्शुराम कुँवर क्षेत्रीले ग्लोबल आइएमइ बैंक छाडे, मर्जरको सात महिनामै राजीनामा

काठमाडौं। ग्लोबल आइएमइ बैंकको प्रमुख कार्यकारी अधिकृतबाट पर्शुराम कुँवर क्षेत्रीले राजीनामा गरेका छन्। बैंकको बिहीबार बसेको सञ्चालक समिति बैठकले उनको राजीनामा स्वीकृत गरिसकेको छ। 

राजीनामा साउन १ बाट लागू हुने छ। जनता बैंक गाभिएपछि उनी गत मंसिर २० गतेदेखि ग्लोबल आइएमइ बैंकको प्रमुख कार्यकारी अधिकृत थिए।

उनले स्वास्थ्यको कारण देखाउँदै बैंक छाडेको बताएका छन्।

सञ्चालक समितिसँग कुरा नमिलेपछि राजीनामा गरेको स्रोतको दावी छ। उनले यसअघि नै राजीनामा गरेको पटक पटक हल्ला चलिरहेको थियो।

कुँवर मर्जर अघि जनताको प्रमुख कार्यकारी अधिकृत थिए। त्यसअघि उनी ग्रान्ड बैंक नेपाल र बैंक अफ एसिया नेपालको प्रमुख कार्यकारी अधिकृत थिए। दुबै बैंक बिलय भइसकेको छ।

कुँवरले राजीनामा गर्नुअघि बैंकले अधिकृत स्तरभन्दा माथिका लागि स्वेच्छिक अवकाश योजना (भीआरएस) ल्याएको थियो। यसमा नायव महाप्रबन्धक सुरेन्द्र रेग्मी, प्रमुख ब्यवस्थापक राज रिमालसहित ३३ जनाले भीआरएस लिएका छन्।